هوسات فرح و عزاء
حید إو إبن های إلگاع أعتقد ما لازم إنفهمک
إلحد من هالجهل یا خوی تحرگ بیت إبن عمّک
کافی القتل و إلتدمیر تهدر دمّک إبدمّک
و إلعاقل ناره إیطفّیهه
...
ملینه یخوی إبهای إبمدینتنه إو نحب إنعیش
کل لیله إو تشب نیران صوت إلتفگ یخبز عیش
کافی إلجهل و إلتنکیل کافی إلحرگ و إلتفلیش
تحتاجه إبیومه إلدگیته
...
إسود إلبر نهز إلکون إشحده إلیوصل إلحدنه
کل إحنه عرب و أخوان بل میدان موعدنه
سیدنه علی إلکرار یخسه إلی یهددنه
و إلماو إلیشهد ماضینه
...
گمر یزهی إبمضیفه اینور إبضیج إلخیّرإنشوفه
فعّل عگلک إیدلیک إلخبث لهل إلخبث عوفه
إلدّنیا أیّام معدودات و أهل إلشان معروفه
إلکل تحزن تتوسّف یومه
...
إلصایر ضد إخوته إو عاف بإلمیدان خوّانه
إبّطن إلمطبخ إنخلیه یظل إیساعد إفلانه
زَینه خل ینزعه إبساع ما یتسمّی بألوانه
لو ینضر خل نار إبعینه
...
عرب إحنه إو نسل عدنان إو رسالتنه محمدنه
نموت إو نحیه کلنه أحباب ما واحد یفرقنه
نصبر نحمل إلشدات ثوّار إبعقیدتنه
شاهدنه إلمات إبمحرابه
...
ملینه إو شربنه إلضیم إو کلانه إلقهر بنفاسه
إلحد من و إلصبر نیران إلسالم طعنه إبراسه
شد إحزامک إحچی إبغیض خل تسمع إلفرّاسه
و إلحاقد هم یگرب یومه
...
یبن دیرة هلی أتنخّاک بس إلگعده متفیدک
بإلچفّیّه شد إلراس و إلزم سیفک إبإیدک
متقدّمنه إبو إلاحرار إلشهاده إسنادک إو عیدک
یهوازی أنت إتعرّب بیهه
...
لا تتساهل إلشیطان إخذ عبرة حسن و إحسین
بشر أنت إو رب إلکون حر إو صانعک من طین
إلسعاده إلنصر و إلإسلام کلنه إبهل درب ماشین
یتخلخل کلمن بیده إیگصص ضرعانه
...
تحب إلجنّه و أهل إلبیت تابعنی إبأثر حالی
عوف إلطائفیّه إو صیر شاطر للعرب والی
ثجیل إو ما یهزّک ریح تظل مثل إلجبل عالی
کل تل إبفیّک تچّایه
...
عن کل إلفقر و إلجوع و إبعبرت إلمظلومین
باچر بإلقیامه إنکون أنا إویاک مسئولین
ضایع حقک إچّندوب إتگرّب خلنه متّحدین
إلجراشه إتکع لو هدّینه
...
أنصحک یالخنت خوّان بیدک تتلف أنصارک
إشمالک ما تفز بخطاک و أنت إلداوی إبنارک
إمتابع ذلّه مو عنوان ظل إتمرحب إبعارک
من تبزغ شمس إلحره یا عون إتنوله
...
أنشدک شیخ یبن إلشیخ أشو خاتل إبدیوانک
إخوتک یوم طگ إلدان تضمّد جرح ضرعانک
تبدّی إللیره و إلدینار إو تبیع إلعزّه للهانک
إلباع إلخوّه إلخاطر تاج إیذل من یومه
...
شال إلبیه محنّه إو طیب علیه أحبابه حزنانه
حسافه إنشال بإلتابوت فوگ إمتون خوّانه
صوب إلمگبره إبتهلیل إمسافر شمع دیوانه
یا عینی إبچی إعلی إلبیه هیبه
...
صدیقی و أنا متعنّیه من إبعید لعیونه
شفت أحبابه ملتمّین یم داره إو یعازونه
إلبیارق یم مضیفه إصفوف إبتابوته إو یبارونه
إلّلف إلعیله إبثوبه حیف إیدفنونه
...
غادرنه إلعزیز إبللیل إیوادع یجرن إعیونه
إمحنّط چفنه بإلتابوت و أولاده إلیبارونه
إلسلف کلّه علیه حزنان إلدار إلحگ یزفّونه
إشلون إتغرّب و أنت إلملزومه
...
إلوفه بإلدنیا یبن إلنّاس شجاع إلّی یبارونه
إلصدیق إلزین إبوه إلحید یستاهل یحمدونه
إجعله تاج فوگ إلراس إلبسمه إبنظرت إعیونه
إلخوّه إتعطّر شمهه إبدیوانه
...
إلصدیق إلینتخی بإلضیج إبفص خاتم ذهب صوقه
عجید إو سیّد إلمیدان معروف إبلحن ذوقه
إکرمه إو بالک إتخل بیه ألسعاده إتبیّن إبشوقه
إشتل و إتعرّب طیب إبعنوانه
...
ألف مبروک یا ........ و أصحابک یزفّونک
إمعرّس یا عزیز إلروح و أحبابک یبارونک
سلة ورد بیدک کاض و أخوانک یهنّونک
إتدلل و أللّه إتدلل و أنت ألملزومه
...
إبعرسک جیت متعنیک و أشارک فرح خوّانک
عساک إبخیر عمر إتسیر دوم إتضوّی دیوانک
تستاهل أعرّف بیک بدر و إمحلّی صدقانک
إمبارک بیه إمبارک و إیّامه إسعیده
...
معرس و إلعروسه إویاک تتهنّه إلعمر لو طال
دشداشه إو وجه بیه نور و إشماغک إو فوگه إعگال
عمامک سادة أهل إلطیب إو نعمین إو نعم بإلخال
إحباب إلجتّک گوم إتلگاهه
...
یألماخذ حچی إلشمّات أنصحک لا تمر بینه
ما تتهنّه بإلگعدات اذا تسمع محاچینه
کلام إبنبع زمزم مای ما نقبل تبدّینه
یم ناس إلتنعد حیّاله
...
جاسم ثعلبی ألحسّانی 24/10/1400
:: برچسب‌ها:
هوسات فرح و عزاء ,
:: بازدید از این مطلب : 2664
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
